18.9

SUPER JUNIOR

Super Show II 香港站

今日真係超級超級超級high!!

睇完好有衝動下次要買980XD

由尋日開始已經成個人好興奮又緊張

12只尋日已經到哂 (一直擔心的強仁哥亦已到了)

今朝淨係番830一堂

完全冇心機呀 精神飛哂去SJ到

跟住早d去陪YUKI排隊

唔好彩地佢冇飛係手要有飛先排得

不過好彩係我地早左入去買到週邊

我地1點幾入到去都已經冇哂File OMG T.T

我最後都忍唔住買左價值200的t-shirt

著住佢睇感覺真係好好 好開心

一直係亞博等 突發事件來了

我電話竟然冇電 尋晚明明差完

果陣Elim話佢黎緊 但係我都眾未話佢知我係邊 – -

超驚佢搵唔到我

我幾經辛苦終於搵到Celine跟住Elim先搵到我

真係好轉折

唉我拎唔到咭片呀 得幾張

我好想要SJHK的呀……

同SJ的易拉架合照 但係我未影哂就收埋左…

噢我的特同澈冇影到

晚餐是咖喱雞飯 咖喱KIBUM 哈哈

好啦 跟住入場

著住SJ tee手拎螢光棒同氣球的我再一次緊張加興奮到頂點

入到去第一個感覺係個場唔大 比我想像中近 好開心

開場前一度好混亂地好多480人衡哂去780果d位坐

(包括我地XD)

最後都係俾人叫番去自己位

好準時 8點過少少就開場啦

噢VCR真係超震撼的 係咁震我個心 哈

佢地出場果陣竟然有d係係480位 ge隔離再行番去主舞台

OMG!! 坐果d 480位ge人就好啦 (羨慕…)

講真我係完全唔記得佢地歌曲順序

我淨係知我不斷地尖叫

嗌到喉嚨痛 勁熱 我一度以為我會嗌到冇左聲XD

不過我地附近d人好唔high 搞錯

我都係因為前面幾個企起身我先有得企

坐我地前面有兩個男飯

嘩SJ出黎佢地眾嗌得大聲過我地 好搞笑

一開始連唱幾首快歌 我已經超high

希澈係開場冇幾耐果陣 捉住左一個女fans隻手錫左啖@@

SJ佢地幾個又自己成日係到玩bobo

Super Attack VCR好好睇

打交好似動作片超型

跟住Don’t Don果陣赫海dance part變左對打 wow!

What if唱得好好聽 旭賢兔聲企係中間旋轉超讚

Solo part兔子彈琴呀 特特唱honey

13同藝聲哥的live真的…聽到我定左冇郁XD

金希澈唱歌果陣播果d相影得佢好靚仔

小旭佢同女dancer跳貼身舞 OMG 我又係狂尖叫

庚唱曹格的背叛 好多人跟住一齊唱

不過因為我冇聽過我淨係跟住唱英文果幾粒字XD

我期待之一 Sorry Sorry的live我終於睇到啦

眾有R&B版ge sorry sorry

嘩全部人一齊唱sorry sorry sorry sorry

不過我地果到ge應援冇咩人嗌同埋係錯ge –v-

我諗前面果d會好好多

好啦型完佢地就係咁係到玩放屁

包括13唱童話歌希澈同神童係咁係後面用放臭氣擊退敵人

(金希澈眾要企錯位 哈)

同埋庚 神童 赫赫段又係不斷放屁的VCR 真係好低能

最搞笑係佢係低能完但係出黎係跳型舞

神童跳舞真係令人眼前一亮

就算係我咁遠距離仍然清楚見到同感受到果種強勁感覺

真的很棒

好多人見到SJ都會話咦做乜有個肥仔

但係其實 神童係SJ入面係絕對有佢ge價值!!

扮少時跳GEE亦是我的期待之一

OMG!! 希sica你真係好靚女呀

始源個露腰真誘人(話說開場之前咁岩見到andy lau俾始源的花牌經過)

全場一齊唱babo真係好正

小旭帶左個假髮好似貞子XD

SJ-M出黎唱左首慢歌

跟住就唱SUPER GIRL 新歌呀!

但係已經個個都識跟住唱oh my super girl

我聽到有人話 “嘩super girl呀” 哈哈

SJ-T出場 嘩依個我真係超期待

因為我睇1巡果陣已經好想同佢地一齊唱rokkugo

佢地扮超人我好有衝動跟住一齊跳

rokkugo嗌得好大聲 很好

唱shinning star同marry u果陣大合唱

特同強仁都有喊

強仁哥你真係想我地擔心死

成晚都冇乜好high情緒 亦唔見你狸貓眼的笑容

Kangin Fighting!!

幸好我能夠見到金希澈的低能行為 真係心滿意足

marry u大合唱真係好感動

最終都係冇唱到生日歌俾神童

差唔多成3個鐘ge演唱會感覺好快就完左

好唔捨得呀

其實今次個場坐唔爆 尤其係780ge位 ><

以致寶藍海唔完整 (同埋始終都係有d燈牌…)

同埋我覺得佢地可能採排唔夠

有d地方好似有d混亂

好似開場自我介紹果陣有段唔知係咪時間唔岩

中間佢地自己係到講野拖住d時間 但係我唔知佢地講乜 -v-

有到赫赫唱歌果陣個台又突然跌落左去少少嚇親佢XD

咪嘴呀咪嘴呀有d歌 金希澈眾要唔開口

佢地好搞笑 成日想講廣東話或者普通話又講唔正

變左外星話 尤其係李赫在XD

我發現Celine係我隔離係赫赫一出黎佢就大嗌

而我呢係個個都嗌 哈哈

完show成個人散左 隻手fing到好累

唔知係咪太眼訓 我落巴士果陣眾要仆親

真係有夠樣衰 - -

今日celine送左支香水俾我
有藝聲個樣 好盞鬼 多謝哂呀 =]

What if...

Super Attack

放屁XD

嘩我好耐冇打過咁長篇xanga –v-

31.8

尋日去左石澳

好鬼多人 @@

BBQ真係熱死啦

好彩有得即刻跳落水XD

租爐係明智選擇 唔洗曬

好開心呀出左浮台

真係n耐冇出過

但係我覺得我地出得好搞笑同好混亂 哈

其實我都唔係燒左好耐

係CHOY係咁燒棉花糖我係咁食囉

夜晚出番去食糖水

郭小姐同梁生嗌交係重頭戲XD

我想講我個頭真係一濕水就超樣衰

眾要原來我樣衰左成個下晝冇人同我講 –v-

29.8
SUPER JUNIOR NIGHT

繼尋日之後今日再一次與SJ相見

開心到暈低 因為真係好近

又係精神緊張的一天呀

朝早知道敏澈強范番左韓國其餘去哂澳門果陣

感覺鬆左鬆 因為可以俾我抖下 哈 -v-

知道佢地夜晚番黎就已經決定去接船

(完全係同自己講尋日都瘋癲左一次唔差在今次啦XD)

下晝一路同yuki等消息

淨係知佢地8點船 又唔知究竟係港澳定中港

我地兩個討論左好耐 終於決定去上環 因為佢地今朝係果到上船

7:30到達上環

出閘位已經好多人等緊 @@

等果陣我同yuki都好驚等陣佢地出黎太多人見到唔

期間眾見到個拍電視的演員 (o靚仔黎 –v-)

我地係咁靠近閘口企

初初以為佢地8點係澳門上船

點知佢地係8點到

其他人一見到staff出黎就開始尖叫 到了到了!! (我完全唔認得d staff - -)

但係我地發現越來越多人湧埋黎

所以我地決定行去前面d ge位置

策略好成功呀!! (拍掌~~)

我地同OPPA們真的真的超近

尤其係韓庚同赫赫 真係申手就掂到ge距離

當然我冇掂到亦都唔敢啦

連續兩日見到庚的感覺都係又高又靚仔 wow@v@

今日完全清楚望到李赫宰 真人靚仔過上鏡呀

不過李赫宰呀 你係咪墊左3個鞋墊

點解你可以同韓庚差唔多高 - -

跟住就係神童 佢完全係特特同東海的擋箭牌

行前面又自己一個唔知係到笑乜XD

東海同特都搭前面膊頭縮埋行 (好似俾人拉咁 哈)

特特好細粒 唔止係高度上俾我想像中細粒

而且係成個人好似好瘦好單薄咁 噢噢

企係佢地隔離完全load唔到點嗌佢地好

想嗌韓文名又驚講錯

最終都只係聽到隔離d人叫oppa我就已經衝口而出叫左oppa

到佢地入左電梯我地就衝番落樓下 (真係好瘋癲 –v-)

眾要俾人點兜左勁大個圈

落到去岩岩好佢地出黎

今次就好大個始源企係到

我見到13啦 不過都只係一眼 我個腦完成運轉唔到冇睇清楚

反而麗旭我記得好清楚 不過我唔知點形容

跟住我地行左係藝聲的車窗隔離 不過佢拉埋左廉

嘩追完佢地真係好累又迷茫

係咁打俾人搵人幫手check佢地會去邊

但係真係我打果d個個都唔係屋企 點解會咁 –口-

係信德hea左好耐

yuki岩岩買左mcdonald就收到料佢地去左尖咀

不過我地去到果陣佢地走左lu

去酒店等左陣就走啦

我發現見到佢地真人感覺好奇怪 因為好唔真實

但係好興奮喎

好累好熱呀 不過都值啦 哈

我影得果幾張相 眾要張張都係鬼影 好把鬼

岑同吳雪都話我變左瘋狂粉絲XD

擺明就係我平時個樣太冷靜啦 哈

噢依家俾你地見到我真面目

雖然我都覺得我自己依兩日好瘋癲(今日痴線d)

不過得閒瘋癲下是不錯的

我相信918我會更痴線

我都絕對相信如果變左係神起ge話我訓街都似XD

眾有點解我同個個講我見到SUPER JUNIOR

28.8

今日真係一定要打

因為今日竟然俾我見到SJ

係SUPER JUNIOR呀!!

由尋晚知道佢地冇啦啦黎左香港就勁緊張

係咁留意消息搞到2點先訓

但係今朝又好早就醒左

真係消息滿天飛

又話黎左又話冇黎又蘭桂坊又尖咀

今日知道幾點機同係黃金海岸真係勁想即刻衡去

終於Elim話有人講佢地6點係紅館

下晝幫aska搬完野入ied就決定同yuki去紅館

(Aska係咁叫我去 眾係咁叫我影肥仔XD)

一路去一路超緊張

去到見到冇人 好驚俾人放流料呃左

後來Elim話d人係碼頭

我同yuki即刻飛的去

真係好好彩 岩岩落車 佢地就坐住架觀光車經過

係真係岩岩好咋 搭遲d都冇

嘩見到真係好興奮

韓庚見得好清楚呀 係到講電話(好靚仔 >v<)

佢眾同我地hello (死都話係同我地hello XD)

真係13個係齊到呀 不過我望唔到特海澈

范眾係上層影緊相 好cool

見完佢地個腦淨係識得不斷話好靚仔

感覺好虛無 見完好似冇見過咁 但係又好激動喎

我同yuki初初勁驚見唔到佢地係咁話見到一眼就夠架啦

但係見完完全唔捨得走想再見到佢地XD

冇影到相 影唔切

佢地真係Boys in the City周街遊

真係好彩我有去追 如果唔係實後悔

好興奮好興奮好興奮好興奮好興奮!!

不過追他們真的有夠累的 –v-